• Denaro e spada
• 1799-1848
• 1848-1861
• 1861-1870
• La guerriglia
• I Borbone
• LEsercito
• Sulphur War
• Gladstone
• I Banchi
• Ferrovie
• Napoli
• Patria e Matria
• Indipendenza

• Macroregione
• Mediterraneo
• Meridionali
• Stampa
• Nino Gernone
• Zenone di Elea
• Angelo D'Ambra
• Grafici
• Anni 2010-2013
• Arte e cultura
• Eventi
• GnuPG

• eleaml.org
• nazionali.org
• eleaml.altervista

 

FERDINANDO RUSSO Lettere 'a ll'Africa 35  SONETTI NAPOLI Luigi Pietro, Tip-Editore Piazza Dante, 76 1896

LETTERE ’A LL’ AFRICA

I.

Cara Matre. Vi scrivo sul momento

col làppiso, ca penna non ge nè.

Stiamo fermati nell_ accabbamento

e stiamo per marciare sul Trichè.

Il Negusso gi ha fatto il trarimento

ed io vi sgrivo per farvi assapè

che non zò stato nel cubbattimento

che sonco vivo e che penzate a me.

Sciascillo come sta? State sicure

e buon Natale che qua lo fareme

con due callette e tutto a baccalà.

Ma non porta, e si torno, ve lo giure,

v_ aggià cuntà quanno po_ stammo nzieme,

camme aggio rotte l'osse a Manguascià.

II.

Mia tiletta Rosella,

ho ricevuto

il pacco condenende i sosamelli

ma puzzano di stocco, perchè quelli

sull_ istesso papore che è venuto,

causa la pioggia, ha tutto impuzzoluio;

ma non fa niente, li ho trovati belli.

E mò mandami presto i calzettelli

che stono scalzo e il pierò ngi ha suffruto.

Qui noi soldati stiamo tutto allecri

e ngi pare millanni di sparare

per secolare un poco a questi necri.

Statevi di buonanimo perciò

che spero di potertelo informare

che siamo tutti antati nello Sciò.

III.

Amatissimo patre,

io stongo bene

e dingrazziante addio spero sentire

che puro voi: non state troppo in pene.

Come si dice? 0 cingere o morirei

0 primma o doppo là s_ ha da venire,

perciò speriamo atesso che non viene

e che io stesso al pundo del partire

vi screverò che torno. Vi conviene?

Qui si sta sembre colla cuerra appresso

che mo ci ordina andate ora venite,

ma gi sono abbituato e falistesso.

Rassalula gi aspetta, ma il fatt' è

che attorno stanno i forti a tinamile,

e lui non gi può entrare, nel Ritrè.

_A PARTENZA D_ _E SULDATE

_A PARTENZA D_ _E SULDATE

I.

_a polla.

—Poveri figli _e materna! Se ne vanno

e chi sa che l'attocca, e quanta stiente!...

—Uh guarda! Mmiezo a loro, _o si-Giuvanno!...

—Ma quante songo?... _ Mille e cincuciente!

—Neh, si-Giuvà!... Buono principio r_ anno!

Jate all_ Assabbia appriesso _o riggimente?

—Embè, che s_ha da fa....!_Sott_ _o cumanno?

—Surdato n_ ata vota?... _ È cosa _e niente

—Uh, guarda! Pure _o frato _e Ciampinella!...

Comme fàrrà, chella povera mamma?

—E comme _a porta guappa, _a chiancarella!

—_E bbi lloco! _E bbi lloco!... _ E statte zitto!

Si te truvasse- tu?... Stu muorto _e famma!

Che guapparia! Ncuieta a nu cuscritto!

II.

_E PARIENTE

_ Ouè, Federi,  p' ammore r_ _a Maronna,

scrìvece _ossà!... Nun ce fa sta _npenziere

_ Va buono, oi-mà! Rate nu vaso _a nonna,

n_ ato a Sciascillo... _ Ebbiva _e bberzagliere a...

_ E statte zitto, mannaggia _a culonna!

Ca si no me ncuieto c_ _o furiere!...

_ E ch'è! Te taglia _a capa tonna tonna!...

_... no, ma _o mette all_ arresto int' _o quartiere!

_ Fosse _a Maronna! Accussì nun partesse!

Me ne turnasse cu mammella mia,

c_ _a vicchiarella mia, ca nun chiagnesse,

camme fa mo! Mammà pecchè chiagnite?

Me facite parti c_ _appecundria!...

Io torno c' _a meraglia, n_ _o ssapite?!

III.

_A NNAMMURATA

_ Guè, ricòrdate _e me! Nun fa c_ arrive,

e pàffete, te mine int_ _e ccampane!

Astipate stu cuoppo et avulivo...

V _o magne a buordo!... E sta palata 3e pane.

_ Nanni, vattenne! Che me miette mmane!...

_ Addò _astipo?... _ E prumietteme ca scrive!...

Vattenne, ca nce vede _o capitane!...

Nun me scuccià! Me fai senti currive!

_ Tiene ccà, nun fa _o spruceto! Fa ampresso

Che d_ è, ca vede? Se fa na resata!

Quann_ era comme a te, n' ha fatto _o stesso?

Meh! Stienne _a mana, nun ce sta nisciune...

ca tengo pure nu poco _e fellata!...

E fogliate sta carta cu _e mezzane.

DINTO _O CAFÈ

DINTO _O CAFÈ

I.

Ma caro don Domenico!.... Scusate!...

Quest_è un_ impresa pazza!..._ Voi che dite!...

Io sono col Governo; ci scherzate?....

Io parlo e parlo, e voi non me capite!...

Ma scusate... vedete... perdonate...

Un momento, scusate!... _ Proseguite...

Crispi l_ ha detto!... _ Crispi?... Ma badale,

Cavallotti... _ Ma càiichero! Sentite!...

Tenite nu difetto, Santo Dio,

che interrompete al meglio del discorso!

Io v_ esprimo un_ idea!... State a senti!

Pe n_ incidente _e guerra, ve dich_ io,

voi che fate?... Così, voltate il dorso?!...

Ma forse siete amico _e Rudinì?

II.

_ Che c_entra Budini!... _ Ma nu mumento...

s' ha da vincere sempe?... Se capisce...

_ Mio caro: è gente senza accorgimento!...

Sentite a me! Meglio è se si finisce!

_ Ma non si può !' Ma non si può!... Col vento

che spira, _a retirata nce avvilisce!...

Voi demoralizzate il sentimento

dell_ esercito, Cristo!... E si fallisce!

_ Neh, ma sta fallimento che nce azzecca?

_ Nce azzecca! Si fallisce nel morale!...

Voi scappate a una piccola sconfitta!...

Ma già, a parili con coi, uno si secca!...

_ E voi, se vi seccate, fate male!

Il certo è che per me, l'Italia è fritta!

III.

_ E già!... Perché si sa... Secondo voi,

Italia mò è na scella _e baccalà!

_ Non dico questo... Ma quando Franzoi

ch'è stato tanto tiempo abbascio llà,

lo ha detto, caro mio!... Nè mo nè poi,

Italia pò fa niente e s_ ha da sta!

_ Ma scusate... sia detto fra di noi...

_ Seh! Vuie mo_ v_ _o scennite, a Mangascià!

Del resto, caro mio, se l'Inghilterra,

ch_è l'Inghilterra!, ha già lavato mano,

è segno ch'è pazzia,  fa chesta guerra!

A voi vi pare eh? è na cosa _e niente,

ma tutt' _e conseguenze, chiano chiano,

chi _e ppaga?... Sempre voi, contribuente!

IV.

Ora dunque?... S_ intende di leggieri,

che il Governo nun sape eh_ ha da fa!

_ E va bè! Mo ca torna Barattieri

jatece vuie, llà bbascio, a cumannà!

_ Ma s_ intende! Ci andrei ben volentieri,

caro don Ciccio mio!... Che novità!

Sò stato militare anfino a jeri,

e... mi saprei... piuttosto regolà!

Se ne vene in Italia tinco tinco,

magna, parla, se sose, po_ s_ assetta...

chiò-chiò, chiù-chiù, tengo buon gioco mmano...

Comme! Sta l'asso nterra e mine _o cinco?

Io faccio scopa, quanto si_ purpetta!...

Ecco perché mo_ parte Primerano!

DINTO ADD_ _O BARBIERE

DINTO ADD_ _O BARBIERE

I.

_ Ciccì,  famme sta barba... _ Sono a voi!

Signurì, solo barba? _...Sì, Ciccì.

Nce sta _o Roma?..._Ragazzo, il Roma a noi!

E... che nutizie porta, signurì?

_ Niente, c_ ha da purtà... _ Meglio così...

_ Partenze _e truppe.... «Quattrocento buoi...»

«Altri cento muletti...» _ Ah, niente! E poi...

_a proroga d_ _e Ccammere?... _... Gnorsì.

_ E... signurì... la' vostra opinione?...

Voi siete tanto inteso in queste cose!...

_ Che me preme, Ciccì! Penza a sta bbuone!

Famme sta barba, _un te ne ncarricà;

nun ghì mettenno vecchie p_ _e ppertose,

ca chille sanno chello c_ hann_ _a fa!

II.

_ Chi, Barattiere?..._ Già... Ma statt_attiento,

ca tu me taglie miezo cannarone!...

_ Nonzignore!_E fa priesto!_Manco _o viento!

Signò... ma chi nce _ha dato, stu cannone?

_ Quà cannone? _ Gnorsì, mo_ mi rammento,

chillo d_ Obbocco... _ Cumhinazzione...

_ No, signurì, scusate nu mumento...

se h_ è tanto parlato, int_ _o Salone!...

Ve ricurdate?..._ Uffà!... Ciccì,  fa priesto!...

_ Stateve, signurì, ca vi ferite!....

_ Tu m_ _e ntaccato già!... Vulisse _o riesto?...

Mannaggia sta pulitica fetente!...

_ Spazzola!... Signurì, siete servite!...

E buone fatte feste... E cente e ccente...!...

NNANZA _O VASCIO

NNANZA _O VASCIO

(_a ziè-Zufla e _a cummarella)

I.

_ Quann_ io sentette, cummarella mia,

c' all_ Afreca ne_ è stata na mbattaglia,

carette riterrà!... _ Uh povera Zufia!....

_ E spugnai p_ _o surore tutt_ _a maglia!

V' abbasta a di, ca mesa l_Anticaglia

steva nnant' a stu vascio, mmiezo _a via!

Io parevo na pazza... E p_a pazzia

me sfocai nfaccia, tutta na bbuccaglia!

Ve pare?!... Io, sola! Figliemo, llà bbascio!

Tatillo mio, mmiezo _e mmulignanelle!...

Pe ttre ghiuorne, na folla, nnanza _o vasaio!

Cummarè! Nun magnavo e nun bevevo...

Nfaccia, guardate... tengo _e ffussetelle!...

N_ ata jurnata, e io me ne murevo!

II.

Ma pe grazzia celeste _e chella Mamma

'e Pierirotta, e sempe sia turata,

nt_arriva, cummarè, nu tilicramma!...

Era Tatillo mio!. Me so_ sanata!

Va intono, sì, ca nce murimmo _e famma,

ma Tatillo pe me, s_ avrà mpignata

ll _ anema sana, pe nfurrnà sta mamma

ca sape comme steva abbermecata!

Nu trilicamma costa _a vista 'e ll_ uocchie,

da ll'Afreca anfì a ccà! Ma pure chillo

me l_ha mannato! _O core nce _o ddiceva!

Me riturnàino _e fforze int' _e ddenocchie,

_a frena scumparette!... Era Tatillo!

Era Tatillo mio ca me screveva!

III.

_ E mo, che fanno? _ Mo? Sia beneritto

chi primmo l'ha mannate _a chella parte,

a chilli figli _e mamma!... È ghiuoco _e carte,

sta cuerra, cummarè! Addò steva scrittoi?...

Chilli llà so_ salvagge, sanno un_ arte!...

Tèneno _o cuoccio tuosto _e nu zampitto!

Ogne ttanto ll'avotano li quarte,

e fanno sacco e stragge, zitto e zitti!

Scusate: pe trasì int' _a casa _e n_ aie,

vuie primma addimannate nc_ è purmesso!

Rico buono? 0 pigliate e ve mpezzate?

Comme! Tu trase rint_ _a casa mia,

fai sacco e fuoco... e po, te lagne appriesso

quann' io piglio e te caccio mmiez' _a via?!

IV.

_ Embè... ma ntanto chi nce va pe sotto!

Chi fa _o surdato! _E poveri guagliune!

Nzuppate r_ acqua, vinto a nu cappotto,

facevano piatà!... Quanta per zane

V' hanno viste parti!... Nu duie nè une,

ma a migliara, _o ddicevano! Ogge a r' otto,

parteno n_ ati ccinche battagliane,

manco si fosse _e tiempe _o quarantotto.

_ Meno male ca vanno allecramente!

Ca po_ chesto me sta: nu core mpietto,

quanno sbatte a curaggio, e tutto è niente!

_ E se capisce! E si fanno a dispietto,

ogne guaglione _e chillo ne vo_ dente!

E ogne palla c_ arriva, è nu cunfietto.

DINTO _A FARMACIA

DINTO _A FARMACIA

I.

_ Mo, mo!... Quanto spedisco sti ccartelle

e poi vi traccio la posizione....

_ Intanto, io dico ca nce fanno _a pelle!...

_ Che pelle e pelle! Io so_ d_ opinione

ca si lavammo _a sotto _e gguarattelle,

facciamo una figura da minchione.

Posso sbagliarmi, ma mi pare imbelle,

quella condotta _e ll'Opposizzione!

_ Neh, ma pecchè?.. _ Perché? Ma santo Dio,

Quando il Governo ha bisogno d_appoggi

e il paese l'accetta, ve dich_ io!...

che ragione ce sta de fa _o zelante?

Avete letta la Tribuna d_oggi!

La discordia nel campo d_Agramante!

II.

Ecco qua: supponiamo per un poco:

questa bottiglia verde, è l'Ambalaggi.

È chiaro!... Oli scioani fanno fuoco...

Questi bicchieri qua... sono villaggi.

Stu sughero, è Toselli. Abbascio lloco,

cogli uomini, le tende, i carriaggi...

Stu vasetto, è Arimondi. E tutto il gioco

del nemico, sta ccà, coi suoi vantaggi.

È naturale! Voi cercate ajuto,

e intanto vi battete da leone.

Va bene. Ma da me, chi nc_ è venuto?

Io non so niente, e sto fiducioso...

I rinforzi ritardano... Benone!

Ed ecco come muore un valoroso!

III.

È chiaro, o no?... U ho. visto sulle carte,

e nun se po_ sbaglià! Comprendo bene

ch'è sempre doloroso retirarte

vicino a chilli llà... ma ti conviene!

Ti conviene di fingerti in disparte

finché il momento buono sopravviene...

Io ve vurria vedè da chelli pparte,

se non vi gela _o sango dinto _e vvene!

Ora mo, che cos_ è? Perché le sorti

ad Ambalaggi a noi non ci hanno arriso

e abbiamo avuto un mille e rotti morti,

sulo pe chesto, s_ ha da luvà mane?

Sulo pe chesto, s_ ha da fa buon viso

ai vostri Cavallotti ed Imbriane?....

IV.

Scusate: se men_ uno, mo, e me dice:

«Daterai cento carte senapate...»

Io nun m__e ttrovo... Sono un infelice?

Chiudo la farmacia?... Ma ci pensate!

Vengo da voi! Vado da don Felice!

Vado da don Ciccillo!... «Mi prestate

così, così, così?...» Voi, tutf amice,

che fate?... Rispondete. Vi negate?

È chiaro!... Nce po_ sta na minoranza

che mi volta la faccia. Evviva noi!

Ma che sò?... Na trentina _e deputate?...

Ed io Governo, con la Maggioranza,

ho il voto di fiducia in barba a voi,

e ottengo queste carte senapate!

MMIEZO _A VIA

MMIEZO _A VIA

I.

_ Ma st'Afreca, ched_è? _ Giesummaria!

È ll'Afreca! Ched'è, nun _o ssapite?

Comme fosse na Napule _n Turchia...

È nu paese, teh! Nun me ndennite?

_ Ma addò, resta?..._Addò resta?' Ncopp' _a via

ca va all_Assabbia. _ E _a guerra, a chi 'a facite?

_ A chi 'a facimmo? A tutt' _a cumpagnia

de Rassalùla... _ E doppo, che n_ avite?

_ Niente. Facimmo 'a guerra pe fa 'a guerra!

Simmo suldate o no? Che ve penzate?

_ Ma che ne vò, 'o Guverno, 'a chella terra?

_ N' ha da vulè quaccosa, è naturale,

si no nun ce mannasse a sti suldate

p' 'e fa muri comm' a ttant' animale!

II.

_ Oh! Ca chesto dìch_ io! Pe ssenza niente

uno piglia e fa _a guerra! Nce ha da sta

na cosa sotto, teh, nu poco _e niente,

si no _a cumeta nun se po_ _nnarià!

_ E se sape! Na cosa nce starrà...

songo partute tanta reggimiente!

_ E che diceno _e foglie? Che se fa?

_ _E foglie? E chille parlano int_ _e diente!.

_O Roma dice janco e dice nire,

_o Curriere s_ è tutto culurato...

_o Pungolo, mo_ chiagne e mo_ le rire!...

E tale _o mbruoglio pe nun fa sapè,

ch_ io, maie comm_ a mo_, me so_ ppriato

d_essere ciuccio assai, cchiù ciuccio _e te!

_O PATRE _E FAMIGLIA

_O PATRE _E FAMIGLIA

I.

_ E beneditto Dio! Che v_ aggio, dì?...

Parte?... Epparte! _O Signore ll_accumpagna!...

_O piccerillo, 'nun ce vulev_ ì!...

Mo me ruminane _a mamma, ca se lagna!

Chillo è ttanto abbunato!... E à da parti,

pecchè? Pe fa sta càncaro _e campagna!...

Nun ce bburlammo... llà se va a muri!...

So_ ppatre, e nun me sona, sta cuccagna!

E beneditto Dio!... Nui simmo ggente

ca si nce dai nu schiaffo _a chisto lato,

nce luvammo _o cappiello e tutto è nniente!

Figliemo mio, è tale nu pacchione,

ca si tu _o guarde, già s_è gialliato!...

Llà chillo more, _o povero guaglione!

II.

Già, fort' è si nce arriva!... _O puveriello

m' _o ddiceva: Papà comme se fa?

Cu na vucella. miccia _e passariello

nun fa nient_ ato ca se lamentà!

Nce stanno, ca Ile prore _o cammello,

e hanno fatto _a dimanna _e se mbarcà;

ma chillo ggiesucristo _e Peppeniello

comme ng_ entra, si chillo vo_ resta?

Me distruggerò _e botto na famiglia!

_A mamma chiagne, io stesso sto malato:..

Ah, ca la mala Pasca nun ve piglia!...

Sia beneditto Dio, che v_ aggia dì?...

Si chillo aveva essere scartato!...

_O piccerillo, nun ce vulev_ ì.....

MACALLÈ

MACALLÈ

I.

LL_ ACQUAVITARO

_ _A presa, nun _a presa... Io nun me faccio

ancora persuaso _e manco tante!

Cgà nce stanno passanno pe ssetaccio,

e nce tràttano propio da _gnurante!

Stu Macallè? Me pare nu migliaccio,

o nu pasticcio de nu risturante!

Na fella _a ccà, na fella _a llà... Che saccio...

ne vonno na fettuccia tuttuquante!

Mo_ cade, mo_ nun cade, mo_ è caduto,

mo_ se mantene allerta, mo s_abbocca;

se sta perdenno, è pierzo, s_ è pperduto!...

E che Mmadonna!... Cu stu foglio nnanza,

che nn'avesse capito na spagliocca!...

Ma che sarrà? Na presa _e misculanza?

II.

_O PREVETO JETTATORE

...Ma che s_ha da sperò, da nu Guverno

impegolato cu _a Massoneria!

Meno male che esiste, c_ è, un inferno!

E sti sfurcate _o pigliano a pazzia!

Stu Macallè... Sta in mano dell'Eterno!...

Che dite, che si vince?... E così sia!...

Ma intanto, stu Ministro dell_ Interno...

Quello è un uomo che puzza d' eresia!

Oh, madre Immacolata e benedetta!

Llà succede na stragge, _un voglia Ddio!

Oh! Madonna, Madonna d_ _a Saletta!

Io v_ apro tutti i sentimenti miei!

E politica, chesta, caro mio?

Noi stiamo fra gli scribi e i farisei!

III.

_A MBOMMA

_Ma è mbomma? È tromma? N_ _e capito niente?

Io pe rame sto mpazzenno, int_ _e ggiurnale!

_Sarrà na mbomma, càspeta! Nun siente

ca s' è parlalo _e ll'affetto murale?

_Ma comme quaglia? Quanto sì animale!

Io te dic_ uno, e tu rispunne ciente?

Fai na menesta e nun ce miette sale?

Tutt' _e pparole toie s_ _e pporta _o viente!

Vo' parlà, no_ parla, parla semp_ isso!

Pe di_ na ciucciarìa nce sta tre ore....

Famme sta grazzia, parla meno spisso!

Spiècame stu murale che robb_ è!

Si fosse mbomma, facesse rummore!

Ma stu murale, chi t' 'ha ritto a tte?!

IV.

ll_ acqua

_ Seh! mo' t'_o scinne! Chillo è ppiamuntese

e tene _a capa cchiù tosta d__o cuomo!

_ Ma sta nzerrato da cchiù de nu mese!...

_ E vide che te fa, juorno pe gghiurno!

_ Ma si po_ se scuraggia?... _ Era paese!

Nc_ è stento anfino a mo! Sarria nu scuorno!

_ Tene na bella capa _e calavrese,

cu tutto c_ _hanno stritto attuorno attuorno!

_ E resiste?..._Ha travato _a fogna _e ll'acqua,

e sta scavanno pe vedè che nn'esce!...

_Ncuscienza, _o può chiammà na capa sciacqua?

_ Llà, si l'acqua è surgiva, _o scavo giova....

Ma si è currente, è meglio ca fernesce!..

Ave voglia _e scavà, ca, nun _a trova!

DOPPO LL_ ASCIUTA

DOPPO LL_ ASCIUTA

I.

_ Vuò ca te dico tutta _a verità?

Nun me sona, stu fatto 'e Macallè!

Capisco ca s'aveva _a libberà,

ma chi l'ha libberato? Macunnè!

«Vuie pe tramente, jatevenne _a ccà»

_ ha ditt_ isso; _ «facitelo pe me!

Anze, ve voglio pure accumpagnà!

Aizate _e mmappatelle, e viva _o Rre!»

Capisco bene ch'è meglio accussì,

ma nuie turnammo arreto, eccoce ccà!

Tanto valeva, sfatte e nun ce ji_!

Mò sulo Barattiere _a pò mpattà!

Zòmpale ncuollo, mò! Falle fui!

Si no sta guerra c_ _a facimmo a fa!

II.

l_ ommo ch_ha capito

_ Ma comme!... Cierti ttale e cquale ggente

parlano ancora a schiovere?.... Ve pare?

Ma _o fatto è chillo, comme qualimente

ca io vulesse di: stu mare, è mare!

_E pputenze so_ state tanto chiare!

Hanno ritto_ aspettate nu mumente;

ch'hanno ritto?... Se spare?... Embè, se spare!

Truvate ca sta cosa è cchiaramente?

Hanno ritto, va bbè.... Pe mo_ nun _mporta!

Quanno chella nun è na fenzione!...

Nun già, cherè, ca nun tenimmo sciorta!

Chille so_ tutte mbruoglie _e spressione!

Staie a senti, te fai na menta storta,

e che ne cacce?... Na confusione!

_O CUNGEDATO

_O CUNGEDATO

I.

_ Gnernò, gnernò, nun state a senti 'a ggente!

Che fa? Spàrano justo comm_ a nuje?

Io sò stato a Dogale... Ero sergente,

e saccio si se more o si se fuie!

Chille spòntano primma a duie a duie,

da sotto _e pprete!... A muzzo, a reggimente!

Apprufittano _e tutto! E mentre vuie

fate a lavante, sguigliano _a punente!

Pare  na vermenara, e nun fernesce!

Tutto _o deserto, attuorno, se fa nire!

E stu nnire va nnanza, e cresce, e cresce......

Avite voglia _e sparà dinto _o mmuollo!

Ne so_ cadute ciente?... E che te crire?

N_ aio migliaro già te zompa ncuollo!

II.

Io vedette cadè tutte _e cumpagne,

e chiagnevo e sparavo. _E mmane? Nere!

Vedevo russo... Nun sentevo _e lagne,

e st_ nocchie mieie, erano doje vrasere!

E scennevano _a copp_ _a li mmuntagne

alluccanno, _e nemice, a schiere a schiere_....

Me parette 'e capì, mmiezo _e ccampagne,

na retirata de nu trumbettiere....

Faceva notte, o _o nniro d__e nemice

me faceva redi' tutto oscurato?

Io nun v_ _o saccio dì! Ma chi v_ _o ddice?

Cadette. E nun me só cchiù llicurdato

comm' è ca doppo me truvaie c' _amìce,

sotto a na tenna _e campo, mmedecato.

III.

Veneno nnanza? E fosse _o Pat_ Eterno!

Tu l'_e vvide cadè da tute 'e late!...

Che ssa_!... Te pare ca s_ è apierto _o nfierno,

e si peccate 'e fatte, l'_e scuntate!

«All_assalto, figlioli! Caricate!...»

E tu te mine nnanza a piglia _o temo!...

Che ssà! Nc_ eramo tutte mbriacate....

S_ ha da muri ì E munimmo _zempitemo!

_O ppoco _e mpressione ca nun manca!

_o cumpagno ferito e scarpesato,

_a puzza, _e strille... E _a faccia se fa janca...

Tu tanno t'allicuorde _e tanta cose!...

Mammeta sola... pateto malato....

E _o core se fa tanto!...

E nun so_ rose.

IV.

_e scuppettate ca tu spare e spare,

'e ramazzate cu _e cuozze d__e fucile!...

Doppo _o primmo mumente, a tte te pare

ca si pienze _a famiglia, si_ nu vile!

E te mine a cumbattere, e nun bare

ca si_ ferito cu na ponta _e stile,

ca na langia l'artica, e ca tu care

jettanno sango e spireto, a varrile!

No, no! Tu nun ce pienze! Tu t'arragge

ca te vide cadè ll'amice attuorno,

ca te vide affucà, da sti salvagge

Viva l'Italia! Allucche. E dint'all_ uocchie

_e llacreme te spòntano p_ _o scuorno!

E già te siente rutto int_ _e ddenocchie!

V.

Ma chi cade, cadenno se strascina

pe mmiezo o sango, addò vede _a bannera!

E te pare na stella d__a matina

ca luce ncopp_ a chella massa nera!

Llà tutt_ _a folla! Llà tutt_ 'ammaina!...

Llà vide dente facce comm_ _a cera!

Llà ciento mane allerta!... E n_arruvina

de strille e botte... Llà sta _a guerra vera!

Che fa si attuorno tiene mille muorte?

Che fa si jiette sango _a ciento parte?

Llà! Curre Ila! D_ _o riesto che te mpuorte?

Llà, sempe llà, spiranno tu vuò ji!...

Llà, llà sultanto, tu vuò fa scannarle!

Llà ssotto... e tu llà ssotto vuò muri!!

Ai sensi della legge n.62 del 7 marzo 2001 il presente sito non costituisce testata giornalistica.
Eleaml viene aggiornato secondo la disponibilità  del materiale e del Webm@ster.